Xoves, 8 de abril de 2021.

 Diario de clase do xoves, 8 de abril de 2021

As compañeiras de Monforte de Lemos, Rosa e Carmen, compartiron connosco unha infográfica resumo do que realizamos durante esta xornada, que compartimos convosco.

Contovos a continuación un pouco como se desenvolveu a clase máis polo miúdo, miudiño 😀

Para comezar coa clase de hoxe, realizamos unha actividade SEL, consistente nun chekk-in emocional no que tivemos que explicar cal era a emoción que traïamos á clase de hoxe (Think-Group-Share) e alí foi xurdindo o cansazo, a indignación, a felicidade, o estado de shock dalgún coma min pola noticia da suspensión da vacinación de xa sabedes que vacina... Confésovos que realicei esta actividade ás 19:30 co meu alumnado de B2.2, e ao final confesáronme que lles serviu para afrontar a clase con outro ánimo, logo de confesarlle ao "psicólogo" Luigi o que sentían antes de comezar.

Logo, tivemos que contarlle a Carolina na chat as 5 ideas máis importantes que aprenderamos polo de agora no curso (Think-Share chat) a modo de repaso do que fixeramos ao longo do curso.

E despois pasamos ao que nos preocupa a todo o profesorado, a falarmos de como avaliar o alumnado en entornos virtuais. Sobre isto, a miña e vosa compañeira Marta Portela, publicou tamén un post que comparto convosco:

https://pedagogosdixitaiseoisantiago.blogspot.com/2021/04/estratexias-para-avaliacion-formativa.html

Eu, xa que Marta fixo un traballo excelente para explicalo, paso a contarvos que é a jigsaw classroom, do que eu dixen que non ne sapevo nulla ata que Carolina explicou o que era. Consiste tamén nunha técnica de traballo colaborativo no que o alumnado ten que realizar un proxecto final. Para realizar esta actividade créanse grupos de expertos nun tema e despois de rematar a fase de traballo en grupos de expertos, créanse outros grupos cun membros de cada grupo de expertos. Por sorte non vos tedes que quedar coa miña explicación se non entendestes nada, ou se queredes profundizar en que consiste se clicades no enlace que atopades máis arriba. 💨

A actividade que realizamos para ver como funcionaba isdo do jigsaw classroom foi a seguinte: grupos de expertos en estratexias de avaliación formativa, en ferramentas de avaliación online, e en rúbricas. Despois de que cada grupo de expertos se lera uns textos e realizara unha posta en común (aquí houbo que mediar), Carolina puxo a cada experto nun grupo diferente e houbo que crear un pequeno traballo que resumira todo. A verdade é que estivemos entretidos un bo anaco.

Se vos interesa saber cales foron os textos que lemos, compártoos de contado convosco:

1. Sobre as estratexias en avaliación formativa:

 https://docs.google.com/presentation/d/1nzhdnyMQmio5lNT75ITB45rHyLISHEEHZlHTWJRqLmQ/pub?slide=id.gb49e70aa_1750

https://www.edutopia.org/article/7-ways-do-formative-assessments-your-virtual-classroom

https://www.edutopia.org/blog/using-quick-check-ins-measure-student-understanding-mike-anderson

https://observatorio.tec.mx/edu-bits-blog/cinco-maneras-de-evaluar-el-aprendizaje-en-linea

2. Sobre as ferramentas de avaliación online:

https://www.educaciontrespuntocero.com/recursos/herramientas-evaluar-estudiantes/

https://www.aulaplaneta.com/2016/06/27/recursos-tic/diez-herramientas-2-0-para-evaluar-tus-alumnos/

3. Sobre rúbricas: 

https://elurnet.net/rubricas-la-herramienta-de-evaluacion-online-mas-versatil/

https://www.profweb.ca/en/publications/articles/grading-made-easy-digital-tools-to-create-rubrics

PAUSA

Despois da pausa, Carolina explicounos o funcionamento de Flipgrid e as súas bondades para que o alumnado realice tarefas de expresión oral. Trátase dun foro multimedia de vídeo e texto do que Carolina nos destacou o seguinte:

-Plataforma pechada con grupos ou clases.

-Interface fácil para gravar sen ter que subir vídeos.

-Conta cunha comunidade de profesores e de vídeos para reutilizar.

Comparto convosco un titorial de Rosa Liarte.

E un titorial que poderiamos empregar para explicarlle ao noso alumnado o seu funcionamento:

DESPOIS DA CLASE

Realizamos as dúas tarefas fixas de todos os días, no diario de aprendizaxe e no foro de flipgrid (como usaches ou pensar usar os foros multimedia nas túas clases para melloralas?) e desta vez, a tarefa diferente era respostarlle un correo a un estudante que nos contactara para dicirnos as razóns polas que estaba barallando non presentarse aos exames. Preguntarédesvos cal era a finalidade desta tarefa. Pois para amosar empatía co alumno e orientalo para superar os seus obstáculos.

Teño que confesarvos que pasei toda a tarde cavilando algunha estratexia para conseguir rimper as posibles reticencias para que o alumnado empregue Flipgrid, e ao que cheguei á casa despois da clase que rematou ás 21:30 decidín realizar o seguinte decálogo que comparto convosco.

Estratexias para a Avaliación Formativa en entornos virtuais

Seguimos aprendendo e traballando neste curso de pedagoxía virtual. Entre as sesións do mércores e do xoves afondamos nun aspecto moi importante: a avaliación formativa nun entorno virtual.

As compañeiras e compañeiros compartiron estratexias que usan habitualmente na aula presencial e que tamén poderían adaptarse á aula virtual, como son as autoavaliacións ao final da clase, os Exit Tickets ou a estratexia do "triángulo, cadrado, círculo". Imos botarlle unha ollada ás estratexias que comentamos, incluíndo as que aparecen neste vídeo tan práctico que Carolina compartiu con nós: 

Check-in rápido: Fai pequenas pausas durante a clase para que o alumnado avalíe a súa comprensión dun determinado punto. Podes:

• Usar emojis: 👍 ou 👎; 😕 ou 😊, etc.
• Empregar tarxetas ou post-its cun código de cores, ou facer que o alumnado debuxe un punto dunha determinada cor no encerado virtual.
• Empregar a opción de enquisa rápida (polls en Webex)
• Dicirlles que empreguen as súas mans, levantando os dedos para avaliar do 1 ao 5 o seu grao de comprensión.

Ao final da lección ou unidade:

• Exit tickets. Aquí podes ver exemplos.
• Triángulo, cadrado, círculo: O 📐 é un resumo da clase en 3 puntos, o 🟦 é algo que aprenderas que che quedou moi claro; e o 🔴 é algo ao que necesitas darlle unha volta coa axuda do resto da clase.
• Resumo rápido: Pedirlles que resuman os puntos clave en 1 minuto. Tamén poden facelo en formato tweet, co seu límite de caracteres.
• Simulación de diálogo: Remata unha clase ensinando unha imaxe e pedindo ao alumnado que invente unha pregunta e resposta que se adapte á situación. Deste xeito, porán en práctica os coñecementos aprendidos.
• Diario de aprendizaxe: Esta técnica funciona mellor se lles fas unha pregunta que favoreza unha reflexión máis profunda en lugar de pedirlles un resumo.

• Se tes alumnado con inclinacións artísticas, por que non pedirlle que comparta co resto da clase o aprendido empregando cancións, debuxos ou poemas? Tamén poderían compartir infografías ou gráficas!

Ferramentas para a co-avaliación: 

• Podemos empregar rúbricas xerais.
• Crear un taboleiro virtual colaborativo onde formulan preguntas para que o resto do alumnado as responda.
• TAG feedback:
• Dille á compañeira/o algo que che gustara (Tell something you liked)
• Faille unha pregunta (Ask a question)
• Fai unha suxestión (Give a suggestion)
• Sistema buddy for the week: Facer parellas para que se avalíen/axuden mutuamente durante unha semana, e ir rotando. Por exemplo, poderían escoller algo do aprendido na aula e explicarllo ao compañeiro, ben en salas de videoconferencia ou subindo vídeos á aula virtual.